Ang Catanduanes 2nd PMFC ay nag-isponsor ng isang binyag noong Oktubre 30, 2021 sa Saint Anthony de Padua Parish, Brgy. Poblacion, Bagamanoc, Catanduanes sa kahilingan ng isang ama na nakakulong sa Bagamanoc MPS.
Ito ay kaugnay sa adbokasiya ni PBGen Jonnel C Estomo, Regional Director ng PRO5 na Seen, Appreciated and Felt by the people. And all actions of the police must be Extraordinary o S.A.F.E. Ito ay ang de kalibreng serbisyo na di lamang nakikita kundi nararamdaman ng mga mamamayan sa kanilang nasasakupan.
Ang nasabing bilanggo ay sumulat at naiparating sa tanggapan ng Catanduanes 2nd PMFC na humihiling na mapabinyagan ang kanyang anak na babae na apat (4) na buwang gulang na naiwan sa kanyang kinakasama. Nagtulong-tulong ang nasabing PMFC na matugunan ang kahilingan. Matapos ang binyag ay nagkaroon ng munting handaan na pinagsalu-saluhan ng pamilya at ng mga kapulisan.
Bakas sa mga mata ng isang ina ang lubos na kasiyahan at pasasalamat sa ginawang tugon ng kapulisan ng Catanduanes sa munting kahilingan ng kanyang asawa.
#####
Panulat ni: Patrolman Shier Kye V Ignacio
