Tanggap daw ni Regine Velasquez, 52, na lipas na ang kanyang panahon bilang tanyag na singer.
Pero maluwag daw sa kanyang loob na tanggapin ito dahil naranasan niyang maging sikat sa higit tatlong dekada niya sa industriya.
“I realized, I know kasi kung nasaan na ako ngayon sa industriya ko. Obviously, it’s no longer my time," pahayag ni Regine.
Nagpapasalamat na lang daw si Regine dahil hanggang ngayon ay nabibigyan pa rin siya ng mga trabaho.
“But I’m still here and I’m still making raket. I’m still doing concerts and all that.
“But I’m very aware that it’s no longer my time, kasi we all are given naman our own time in the industry and in life in general," sabi ng Asia’s Songbird sa YouTube vlog ng make-up artist na si Celeste Tuviera nitong July 16, 2022.
Bonus na raw sa kanyang nagsisilbi siyang mentor ng younger singers para ituro sa kanila ang mga kaalaman niya bilang singer.
“So, natutuwa ako na nandito ako ngayon to mentor.
"And more than the fame right now, at this time of my life, I love that part [mentoring] because they listen to everything that I say.
“And they think they learn from me, and I hope they are.”
Bilang more senior singer, responsibilidad daw ni Regine na turuan ang new breed of singers.
“I believe that because I’ve experienced so many things, being in the business for 35 years or 36 years, I feel like it’s my duty also to pass it down, alam mo iyon, what I’ve learned...
“Otherwise, it will die with me. What is it there for?”
NO LONGER COMPETING
Paliwanag ni Regine, itinutuloy niya ang legacy ng kanyang pumanaw na ama na si Gerry Velasquez sa pagme-mentor sa bagong henerasyon ng singers.
Sabi ni Regine, “Na-realize ko din na makikipag-compete pa ba ako ngayon?
“Parang hindi naman na makatarungan. Hindi na.”
Gayunpaman, ipinaliwanag ni Regine na bahagi na ng kanyang pagkatao bilang singer na tila nakikipagsabayan pa rin siya sa younger singers.
Sabi niya, “Although pag kumanta ako, parang nakikipag-contest pa rin ako.
“Hindi ko na matatanggal, I think, iyon sa akin.”
Sabi nga raw sa kanya ng mister na si Ogie Alcasid: “The way [I] prerform daw parang lagi daw akong naghahabol, parang lagi daw akong may grit, kasi ganoon ako talaga.”
Pero imimungkahi ni Ogie na puwede namang kantahin ni Regine nang simple ang mga piyesa kapag nagpe-perform siya.
“But sabi niya sa akin, meron lang akong pinipiling lugar, time, at instances when I do that.”