Malaking karangalan para kay Boy Abunda na pinaunlakan ni Judy Ann Santos ang kanyang imbitasyong maging bisita ang aktres sa 100th episode ng Fast Talk With Boy Abunda ng GMA-7 ngayong Martes ng hapon, June 13, 2023.
“She doesn’t have to be here. Wala naman ho siyang ipinu-promote.
"Malayo ho ang kanyang bahay. Naglakbay po ito para lang makasama natin dahil espesyal para akin ang araw na ito.
“She’s called one of the most brilliant actors. She’s called one of the best people in this industry and even in the world.
"Pero para sa akin, nandito po siya ngayong araw because she’s a friend," emosyonal na pagpapakilala ni Boy kay Judy Ann.
Isa sa mga itinanong ni Boy ang posibilidad na magkasama sa isang proyekto sina Judy Ann at Claudine Barretto, na itinuturing noong mahigpit na magkaribal.
Sagot ni Judy Ann, “We never really had the chance to be close nung mga bata pa kami because Star Magic siya and I have Tito Alfie [Lorenzo] with me.
"Palagi kaming nakatapat sa isa’t isa and I guess it’s a very healthy competition back then.
“Ako, naniniwala hanggang ngayon, there’s a always a need for you to have a competition para alam mo kung saan mo pa puwedeng itaas yung sarili mo. Saan ka pa puwedeng mag-improve.
“We’re very… good friends. We’re okay. We never just had the chance to go out and be really close."
Patuloy niya, "A project with Claudine? Of course, why not?
“I think hindi naman dahil sa hinihingi ng mga tao, but I think it would be an interesting project.
"It could be something na sana puwede pala siyang mangyari noon or baka tamang ito ang panahon para magsama kami kasi pareho na kaming may mga anak. Iba na ang ihip ng hangin, kumbaga.
“I believe na for me and Claudine to do a project, this is I think the very perfect moment. Why? Because kalmado at payapa ang lahat.”
MOMMY CAROL
Nang tanungin ni Boy tungkol sa taong pasasalamatan niya at sasabihan ng “sorry,” ang pangalan ng kanyang nanay ang binanggit ni Judy Ann dahil sa mga sakripisyo nito para sa kanilang magkakapatid.
Hindi lingid sa kaalaman ng lahat na nagpunta sa Canada si Mommy Carol noong maliliit pa ang mga anak niya para magtrabaho at maitaguyod ang kanilang pamilya. Pero palaging sinasabi sa kanya ni Judy Ann at ng mga kapatid nitong hindi masama ang loob nila dahil sa nangyari.
Read: Judy Ann Santos to Mommy Carol: 'ikaw talaga ang THE ROCK"
Saad ng aktres, “Si Mommy kasi, matiisin siya. Sadyang ganyan siya pero matalak din siya in her very own kabaklaan way.
"She’s just like that and everbody just adore her and everybody’s also scared of her at the same time.
“It’s either you like her, you love her, or you just really stay away from her kasi matabil din si Mommy minsan. But I like her and love her for that.
“Nagpapasalamat ako sa kanya because if weren’t for her understanding, naiintindihan niya na when I told her, 'Ma, hindi na ako magka-college. Gusto ko na itong idiretso, magtatrabaho ako.’
“Of course, broken-hearted siya kasi lahat naman ng pangarap ng mga magulang sa mga anak nila, makapagtapos, e.
"That time, parang feeling ko, may opportunity to work, to earn and to save, 'so si Ate na lang yung pagpapatapusin natin.'
“So, she understood that, pero alam ko mahirap.'
Naluluhang dagdag ni Judy Ann, "Nagpapasalamat ako sa kanya kasi she just really respected all my decisions—painful, happy, everything—nandiyan lang siya nakasuporta siya.
“Nagso-sorry ako kay Mommy kasi I know I was not the best daughter. Wala namang anak na perfect, but I know I have to spend time with her kasi life is just too short.
"I love you.”